Warning: Creating default object from empty value in /home/tbbh/public_html/blogs.teamtbb.com/wp-includes/ms-load.php on line 113
Es Gfühl wie im Backofe… « Caroline Steffen’s Blog

Login


Es Gfühl wie im Backofe…

Zum dritte mal bin ig jetzt mit mim Team TBB (The Bike Boutique) und mim Coach Brett, im Trainingscamp in Thailand. 10km usserhalb vom Touriste Getümmel (und em nächste Starbucks) vo Krabi si mir unterbracht, ds Hotel de Pool und Laufbahn sind schlicht doch es het alles was es brucht.  Ussert trainiere, schlafe und esse kann me da nid viel anders mache – besti Vorussetzige i dem Fall für es erfolgrichs Camp :-) Diesmal blib ich für 6 Wuche, miteme chline Unterbruch und Reisli nach Abu Dhabi wo ich am 12. März zu mim erste Renne i de neue Saison starte.

Ds Training lauft guet sowit, bin froh han ich i de letschte 2 Monat scho gueti Grundlag gleit, sust würd ig hie wohl chli flach usecho. Wie bekannt isch ds Training mitem Brett keis Zuckerschläckä – d Umfäng sind gross und Qualität hoch. De zue chunnt die unglaublichi Hitz und Luftfüechtigkeit. Es Gfühl wie im Backofe, da brönnts eim bim ischnufe doch fast d Nasehaar weg ;-)

Ja es gfallt mir sowit guet ou wenn mängisch die eifachi, doch fast chli 3i-Welt Kultur gwohnheitsbedürfig isch. Da herrsche anderi Regle als bi üs i de chline, subere und überblickbare Schwyz. Betreffend Abfallentsorgig, Verkehrsregle oder Suberkeit hinke sie da schono chli hinde dri. Ich han mich mittlerweile aber dra gwöhnt, dass d Kuchi wo mir esse eher ame chline Zoo glicht und üser Nachbare Elefante si. D Mönsche schine Glücklech ds sie mit dem was sie hei und sind nie zu “busy” für eim zue ds winke wenn mir mit üsne super high tech Velo a ine verbi flitze. Es chlises ”hi” zrugg zauberet so mängs lächle hervor.

Liebs Grüässli us Krabi,

Caroline

Please leave your comments on the forum.